گوگڵ ژیری دەستکردی جێمنای ۳٫۷ فلاش (Gemini 3.7 Flash)ی بە پێشکەوتنێکی گەورە لە کۆدنوسین و پەرەپێدانی وێبدا ناساند و نرخی دەستپێکی کەمکردەوە.
گوگڵ تەنیا سێ هەفتە دوای دوایین مۆدێلی خۆی، کەمێک پێش ئێستا جێمنای ۳٫۷ فلاشی وەک نوێترین مۆدێلی ژیریی دەستکردی خۆی ناساند. ئەمە بە ڕوونی دەری دەخات کە خێرایی پەرەپێدانی وەشانە نوێیەکانی جێمنای بە شێوەیەکی بەرچاو زیادی کردووە.
گوگڵ دەڵێت ئەم وەشانە دەرئەنجامی ڕاستەوخۆی کاردانەوەی گەشەپێدەران و نوێگەرییە ئەلگۆریتمییە نوێیەکانە کە بۆ گەیاندنیان بە مۆدێلەکانی داهاتوو پلانی بۆ داڕشتبوون. هەروەها گوگڵ باسی لە «باشترکردنی بەرچاو» لە ئەندازیاریی نەرمەواڵە، پەرەپێدانی وێب و ئەرکە زانستتەوەرەکان کرد.
باشترکردنەکانی کۆدنوسین لە جێمنای ۳٫۷ فلاشدا دەستکەوتێکی بەهێزە بەراورد بە ۳٫۶ فلاش لە هەڵەچاککردن (Debugging) و نەهێشتنی کێشەکاندا. بە شێوەیەکی دیاریکراو، نمرەی DeepSWE V1.1 لە ٤٩٪ەوە گەیشتووەتە ٦٥٫٣٪ و لە تاقیکردنەوەی FrontierCode 1.1 Main لە ٣٤٫٤٪ەوە بۆ ٤٣٫٦٪ بەرز بووەتەوە.
گوگڵ دەڵێت لە پەرەپێدانی وێبدا، جێمنای ۳٫۷ فڵاش «ڕووکارگەلێکی (Layouts) بەسوودتر و ئەپڵیکەیشنی تەواوتر بە پرۆمپتی کەمتر بەرهەم دەهێنێت.»
ژیری دەستکردی نوێی گوگڵ بۆ دروستکردنی ڕووکاری بەکارهێنەر (UI)، پابەندییەکی بەرچاو بە دیزاین و هاوتاکارییەکی بەرز لەگەڵ ویستی بەکارهێنەردا پێشان دەدات؛ جیاوازیی ناکات زانیاریی پێدراو (Input) سکرینشۆت بێت، وێنە بێت یان سیستەمێکی دیزاینی تەواو. گوگڵ جەخت دەکاتەوە کە ئەم شێوازە لە سیناریۆکانی دیزایندا، دەرئەنجامێکی یەکگرتووتر و نزیکتر لە سەرچاوەی سەرەکی پێشکەش.
لە بوارەکانی دارایی، یاسایی، زانست و بوارە زانیاریچڕەکانی تردا، جێمنای ۳٫۷ فلاش لە ئارگومێنتکردن و وردبینیدا پێشکەوتنی بەدەستهێناوە. گووگڵ دەڵێت ئەم مۆدێلە لەسەر بێنچمارکی GDP.pdf بە شێوەیەکی بەرچاو لە ۳٫۶ فلاش دەباتەوە و دەرئەنجامی لە ٢٢٪ەوە دەگاتە ٣٤٪؛ هەڵسەنگاندنێک کە توانای مۆدێلەکە لە پڕۆسێسکردنی بەڵگەنامە ئاڵۆزەکاندا دەپێوێت.
لە بواری پێداویستییەکانی گەشەپێدەراندا، جێمنای ۳٫۷ فلاش باشتر لەگەڵ بەربەستەکان خۆی دەگونجێنێت، لە کاتی پێویستدا ئامانجەکە ڕوون دەکاتەوە و بە وەفادارییەکی زیاترەوە فەرمانەکان جێبەجێ دەکات. گوگڵ دەڵێت ئەم مۆدێلە بە وردبینییەکی زیاترەوە بیر دەکاتەوە، لە داڕشتنی پلانی فرەقۆناغی و بانگهێشتکردنی ئامڕازەکاندا هەوڵی زیاتر دەدات؛ هەر ئەم ڕێچکە ڕێکخراوەش دەبێتە هۆی چاودێریی دەستیی کەمتر و کەمبوونەوەی دووبارەکردنەوەی هەوڵەکان لە پرۆسەکاندا.
نوێکردنەوەکانی پارێزگاری و ئاسایش، ڕێکاری نوێ لە دژی بەکارهێنانی خراپ لە بوارەکانی کیمیایی، بایۆلۆجی، تیشکدەرەوە و ناوەکی، هەروەها هێرشە سایبەرییەکان لەخۆدەگرێت، لە کاتێکدا بەکارهێنانە بەسوودەکان بە چالاکی دەمێننەوە.
تا کۆتایی ٢٠٢٦، جێمنای ۳٫۷ فلاش بە نرخی دەستپێکی ٠٫٧٥ دۆلار بۆ هەر یەک ملیۆن تۆکنی چوونەژوورەوە و ٣٫٧٥ دۆلار بۆ هەر یەک ملیۆن تۆکنی دەرچوون لەبەردەست دەبێت؛ نرخێک کە بە نیوەی نرخی مۆدێلی پێشوو لە کاتی بڵاوبوونەوەیدا دادەنرێت.
لە ئەپی جێمنایدا، ئەم مۆدێلە لە ئەمڕۆوە le بڵاوبوونەوەدایە و بۆ دەستپێگەیشتن پێی، بەشداریکردنی AI Pro یان Ultra پێویست دەبێت هەروەها مۆدێلەکە جگە لە ئەپی جێمنای لە ئامرازەکانی وەکوو antigravityدا ئێشتا بەردەستە.
