گرووپی هاککەری کوردی بە ناوی «Cyb3r Drag0nz Team» بانگەشەی کردووە کە بە شێوەیەکی تەواوەتی دزەی کردووەتە ناو داتابەیسی (Database) یەکەمین بانکی عێراقی (First Iraqi Bank - FIB)، کە یەکەمین بانکی دیجیتاڵیە لە عێراقدا و لەژێر دۆمەینی fib.iq کار دەکات.
لە راگەیەندراوی تیمی سایبەردراگۆنزەوە دەردەکەوێت کە ئەوان ویستی فرۆشتنی داتاکانیان هەبووە بەڵام دوای ئەوەی زانیویانە بانکێکی کوردیە دەستیان لەو کارە هەڵگرتووە.
دەقی راگەیەندراوی تیمی سایبەر دراگۆنز سەبارەت بە هاک کردنی بانکی fib
پێشەکی، پارەی ناو ئەکاونتەکانتان پارێزراوە و ئێمە دەستمان بە ئەکاونتەکانتان و باڵانسی ناو ئەکاونتەکانتان ناگات تەنانەت گەر بشمانەوێت چونکە ئێمە ئەکسەسی داشبۆرد نەبووین بەڵکو بە لاوازی ئایدۆر توانیمان دەستمان بگات بە داتای بەکارهێنەران، هاککردنەکە تەنها داتای بەکارهێنەرانی گرتۆتەوە
جۆری فایلەکان: JS و DB
فایلەکانی DB
وە دەربارەی ئەوەی داتاکان چیان لە خۆ گرتووە (قەبارەی داتاکە نیو تێرا بایت (٥٠٠ گێگا):
داتاکان لە چەندین بەشی جیاواز پێک دێن
داتاکان تەواوی زانیاریەکانی سەر کارتی نیشتمانیان لە خۆ گرتووە (بێ وێنەی کارتەکە)
وەکو ناوی تەواو، ناوی دووانی دایک، موالید، ژمارەی خێزان، ڕێکەوتی لە دایک بوون، چەند زانیاریەکی تر کە لەسەر کارتی نیشتمانی هەیە
لەگەڵ کۆتا وێنە کە لە پرۆسەی ناردنی پارە گیراوە
پێش ئەوەی بزانین بانکەکە کوردیە لە چەندین بریچس فۆرم داتاکانمان بۆ فرۆشتن دانابوو بەڵام دوای ئەوەی زانیمان بانکەکە کوردیە پەشیمان بووینەوە، داتاکەی دزەشی پێکراوە هەرگیز لەلایەن تیمی سایبەر دراگۆنزەوە مامەڵەی پێوە ناکرێت و بلاو ناکرێتەوە، تەنها لای خۆمان ئەمێنیتەوە بە مەبەستی هاوکاری کردنی کۆمەڵگە و بەکارهێنانی لە بەش
تیمەکە چەند وێنەیەکی وەک بەڵگە بۆ دزینی زانیاریی تەواوی موشتەرییان بڵاو کردۆتەوە:
لە کاتێکدا تیمە ئەمنییە سەربەخۆکان بەردەوامن لە هەڵسەنگاندنی دروستی و ڕاستیی ئەم داتادەمپە (Data Dump)، توانستە ئۆپراسیۆنییەکانی ئەم گرووپە هەڕەشەئامێزە جەخت لەسەر پێویستیی بەپەلەی دامەزراوە داراییەکانی ڕۆژهەڵاتی ناوەڕاست و بە تایبەت کوردستان دەکاتەوە بۆ پتەوکردن و بەهێزکردنی سنوورە ئەمنییە دیجیتاڵییەکانیان. ئەو دامەزراوە و ڕێکخراوانەی لە ناوچە پڕمەترسییەکاندا کار دەکەن دەبێت دەستبەجێ چاوخشاندنەوە بە پێگەی ئەمنیی دەرەکیی خۆیاندا بکەن تا بەر بە هێرشە ئۆتۆماتیککراوە هاوشێوەکان بگرن.
